Cwynion


	Sylwadau a Chwynion
Dolenni Defnyddiol
		Cyngor Sir Gâr

		Ymddiriedolaeth GIG Sir Gâr

		Bwrdd Iechyd Lleol Sir Gâr

		Yr Ombwdsman

Gwnawn ymdrech bob amser i sicrhau fod y gwasanaeth a ddarperir o'r ansawdd uchaf. Fodd bynnag, cydnabyddir fod pethau'n mynd o'i le weithiau. Os teimlwch na dderbynioch gwasanaeth o safon uchel yna croesawn sylwasau a chwynion er mwyn cael cyfle i gywiro pethau ac i allu sicrhau fod y systemau yn cael eu cryfhau i'r dyfodol.

Sut mae’r system gwynion yn gweithio felly?

Yn syml, mae tri cham i’r broses. Mae’n bosibl na fydd rhaid i chi ddilyn y tri. Mae’n dibynnu pa mor fodlon fyddwch ar yr ymateb a gewch ar ddiwedd pob cam. Rydyn ni’n defnyddio’r drefn hon wrth drafod y rhan fwyaf o gwynion. Weithiau, fodd bynnag, byddwn yn dilyn trefn wahanol, yn dibynnu ar natur y gwyn. Os bydd hyn yn digwydd, byddwch yn rhoi gwybod ichi rhag blaen ac yn dweud wrthych beth i’w wneud.

Cam 1 – Ymchwiliad gan Canllaw

Byddwn yn ceisio datrys y broblem yn ddi-oed ar ôl derbyn eich cwyn. Gwnawn hyn drwy ddarparu gwybodaeth neu drwy gymryd camau priodol.

Cysylltwch â’r aelod o’r staff, neu'r arweinydd tîm perthnasol, wnaeth ddelio â chi yn y lle cyntaf.

Ein nod yw ymateb cyn pen 10 diwrnod gwaith ar ôl derbyn eich cwyn. Weithiau, bydd angen mwy o amser arnom ond byddwn yn esbonio’r rheswm dros unrhyw oedi (cyn pen y 10 niwrnod) ac yn rhoi gwybod pryd y medrwch ddisgwyl cael ateb llawn.

Yr Ail Gam – Ymchwiliad gan Cydlynydd Canllaw

Os na fyddwch chi’n hapus â’n hymateb ar ddiwedd y Cam cyntaf, cewch ofyn i’r Cydlynydd ailedrych ar eich cwyn. Gofynnir i chi wneud hyn cyn pen 10 diwrnod gwaith ar ôl derbyn yr ymateb.

Bydd y Swyddog hwn yn ymchwilio i’ch cwyn.

Ein nod yw ymateb cyn pen 10 diwrnod gwaith ar ôl derbyn eich cais am fwrw ymlaen â’r ail gam. Weithiau, bydd angen mwy o amser arnom ond byddwn yn esbonio’r rheswm dros unrhyw oedi (cyn pen y 10 niwrnod) ac yn rhoi gwybod pryd y medrwch ddisgwyl cael ateb llawn.

Y Trydydd Cam – Ymchwiliad gan Brif Weithredwr

Os ydych chi’n dal i deimlo’n anfodlon, cewch ofyn i Brif Weithredwr o unrhyw un o'r asiantaethau partner ystyried eich cwyn. Gofynnir i chi wneud hyn cyn pen 10 diwrnod gwaith ar ôl derbyn yr ymateb. Mae eu manylion cysylltu i'w gael drwy ddewis ar y ddewislen ar ochr chwith y ddalen hon.

Mae’r Prif Weithredwyr yn annibynnol. Nid yw’n rhan o’r gwasanaeth y gwnaed cwyn yn ei gylch a bydd yn ymchwilio’n llawn ac yn ddiduedd i’ch cwyn.

Ein nod yw ymateb cyn pen 10 diwrnod gwaith ar ôl derbyn eich cais am fwrw ymlaen â’r trydydd cam. Weithiau, bydd angen mwy o amser arnom ond byddwn yn esbonio’r rheswm dros unrhyw oedi (cyn pen y 10 niwrnod) ac yn rhoi gwybod pryd y medrwch ddisgwyl cael ateb llawn.

Hwn yw’r cam olaf yng ngweithdrefn gwynion fewnol Canllaw.

Cysylltu â’r Ombwdsman

Rydym yn gobeithio y bydd modd datrys unrhyw broblemau yn gyflym ac yn llwyddiannus gan ddefnyddio’r weithdrefn gwynion. Fodd bynnag, os nad ydych chi’n fodlon ar y ffordd y buom yn delio â’ch cwyn, cewch gysylltu â’r Ombwdsman Gwasanaethau Cyhoeddus. Mae’r Ombwdsman yn wasanaeth cenedlaethol annibynnol sy’n ymchwilio i gwynion ynghylch cynghorau lleol.

Dalier sylw: Fel arfer bydd yr Ombwdsmon yn disgwyl i chi fod wedi codi’r mater gyda’r corff dan sylw, a rhoi cyfle rhesymol iddo i ymchwilio ac ymateb, cyn i chi ddod ato ef.

Gellir anfon cwyn at yr Ombwdsman yn y cyfeiriad isod:

Ombwdsmon Gwasanaethau Cyhoeddus Cymru
1 Ffordd yr Hen Gae
Pencoed
CF35 5LJ

Rhif ffôn: 0845 601 0987 (cost galwad lleol)

Rhif ffacs: 01656 641199

E-bost: ask@ombudsman-wales.org.uk

Y we: www.ombudsman-wales.org.uk

Mae gan yr Ombwdsman Gwasanaethau Cyhoeddus daflen o’r enw ‘Sut i Gwyno am Gorff Cyhoeddus’. Gellir cael copi ohono trwy ffonio’r rhif uchod neu drwy anfon llythyr i’r cyfeiriad uchod. Fel arall, gellir cael copi o wefan yr Ombwdsman www.ombudsman-wales.org.uk